小辣椒媽咪的博客

浩媽一直很耐心教浩浩去尿尿和臭臭要叫媽媽，不能隨意拉，但浩浩在第一間托兒所入托後，一直沒學好，在家裡的時間，浩媽雖然堅持教浩浩，但浩浩總學不會，但自入新托兒所後，浩浩似乎有了很明顯的轉變，在浩浩兩歲生日那天，浩浩第一次主動跟浩媽說尿尿，後來入新托兒所，浩浩的轉變更明顯，現在在學校裡沒有再用尿片，雖然每天仍有尿濕褲褲一條，但相比以往在家裡，每天不用尿片，要尿濕至少六七條小褲，已經很有進步，現在浩浩回家，尿尿和拉臭臭前都會叫媽媽，並等媽媽準備好小尿壺才拉，晚上睡覺，由於浩浩睡著了不會起來叫拉尿尿，所以晚上仍要用上尿片，但今早起床，浩浩便拉著媽媽說要尿尿，結果拉了一泡大大的尿尿，媽媽再檢查浩浩的尿片時，發現一整晚浩浩都沒有尿尿，以往從沒有試過的，看來，浩浩真的學會尿尿時不用尿片了，好孩子！

星期日一家人到普佗寺拜拜佛，以往曾帶浩浩黎過，今次浩浩大個仔左好多，識得自己拜拜，雖然可能唔知拜拜係咩意思，但係至少會學我地咁做，睇下浩浩大過仔幾多！！         

仔仔近日愛上自己爬上高處看街上的景物,似乎他並不怕高!!

八月廿四日早上，發現仔仔發燒，即刻同佢過澳門山頂醫院睇醫生，醫生開左ｄ藥，俾ｄ冰我，跟住就等燒退左ｄ，就叫我返屋企，但回家後直至很夜，燒都唔退， 仲見佢訓係床上發抖，睇下時間已經十一點幾，即刻趕返過澳門，過左大陸關，快過澳門關個陣，仔仔突然抽筋，老公連關員都唔理，抱住仔仔衝關，我就跟尾攞證 件過關，跟住狂跑上去搵老公仔仔，未到的士站，仔仔抽得好利害，怕佢咬親自己條痢，俾自己兩隻手指俾佢咬，兩夫妻狂奔上的士，可惜一路塞車，在車上打 ９９９，叫救護車，一邊問佢地應該點做，一邊叫痛，因為仔仔實在咬得我太痛，眼見仔仔又吐白沫，又反眼，全身梗晒，心急，只能大叫，最後係關閘間新苗落 車，一落車見到對面馬路有架救護車，唔理三七二十一，衝左上去，當時車上救護員正救緊兩名受傷者，應該係打架受傷，到仔仔上左車，救護員氹仔仔，叫佢唔駛 驚，乖，慢慢，仔仔真係唔再抽，冷靜左落黎，我地兩夫妻個陣忍唔住喊左出黎，當佢抽得好利害個陣，我地完全唔知點好，我只係識叫，好似傻婆咁，跟住車左我 地去山頂，ｄ醫生都一樣，俾ｄ退燒藥佢，敷冰，跟住又叫我地走，我已經同醫生講，要求住院，佢話邊可以話住就住，無奈又回媽媽家，當時已是快天亮的時候， 到左又光，終於決定去鏡湖，一到急診，即時安排見醫生，講仔仔抽筋既情況，又一直燒唔退，醫生話要即時入院，幸好有三等位，上到病房，醫生檢查，同仔仔抽 血，打吊針，就係咁，仔仔一直入院左十天，頭兩天一直高燒唔退，全晚睇住佢唔敢訓，怕佢又抽筋，之後第三日突然開始肚痾，一天痾至少十次，屁屁都紅晒，醫 生開左藥同佢搽屁屁，可惜都無乜用，因為痾得太多，最後出動到照紅外線燈，照左兩次，果然有效，即刻好番好多，但仔仔依然痾，無胃口，連平時佢一定要食既 奶奶都唔要，迷痴痴咁訓，每隔一小時又痾一次，一日到黑就成日同佢換片，搽藥，搽油，一天打五六瓶吊針，仔仔起身，眼都睜唔開，好似加菲貓對眼咁，自己半 步都唔敢走開，一天六次餵藥，止肚痾個隻藥仔仔一直唔肯食，成日一食就吐，吊針三天要換一個針口，睇見仔仔兩隻手都打過，人仔細細要受咁既苦，心又急又無 奈，佢又扭計，最慘係老公證件到期，除左頭一天老公係身邊一齊照顧仔仔外，其餘既日子都係自己日以計夜咁照顧仔仔，睇住其他小朋友一個一個咁出院，但仔仔 就一直未得，公司又有野要跟住，自己又返唔到工，日日就打電話周圍聯繫，最後辛苦左一班同事，靠佢地完成左我既工作，非常咁唔好意思，日日睇住ｄ時間好難 過，仔仔終於在第九天痾左兩次，第十天早上，醫生話可以出院，但返屋企要好小心照顧，出醫院個刻，好似同外面隔絕左好耐咁，睇個天都藍ｄ，本來仔仔都無精 打采，但沿路返屋企，佢既笑容慢慢咁出番黎，佢咁好動，被關在醫院成十日，唔發脾氣就假啦，我都係快屈出病黎，返到屋企，又回復番大家既本來面貌，都係屋 企最好，係仔仔住院期間，多謝晒咁多位同事，朋友，義工仔既問候，特別其中一些同事既愛心粥，湯水同埋糕點，衷心感謝你地，仔仔已經慢慢康復中，大家不用 擔心了！大家記得保重身體！！

仔仔住咁耐醫院，都大致知道醫院的作息時間表：

7:30換床單/清潔房間
7:45早餐送黎(麥皮/粥/三文治)
8:00仔仔食藥
9:00醫生巡房
9:00-11:00吊針
11:30午餐時間(粥/飯/通粉)
12:00-14:00午休
14:00仔仔食藥
14:00-17:00吊針
17:30食晚飯
18:00-20:00自由活動
20:00仔仔食藥
跟住教教豬又到聽日

仔仔一向食野都好好胃口,見到有野食,即刻出晒為食樣!

仔仔剪左個新髮型，好多人都話搞笑，似十兄弟，真係咁難睇嗎？？

仲有個日同仔仔去試鞋，一試呢對新鞋，佢竟然唔肯脫，就咁買左佢，又好多人話好似女仔鞋

等左咁耐,終於係呢個星期收到何生派個五千蚊,

不過左手黎右手就無左,因為仔仔份保險岩岩好夠期,

不過都算好彩,今年至少唔駛自己交先啦,

都要係咁而多謝下何生,哈哈~

九月又要交自己個份保險啦!

日日返工等出糧,但係d錢都唔見駛,

多左個bb,真係開支大左好多,

而家先知做人父母既偉大,

唔係自己讚自己,講真我真係幾為仔仔著想,

我諗個個做人母父既,都會係咁,

希望仔仔生性,好好地做人,

乜野付出都值得!!

呢排因為工作太累,
所以琴日休左半日假,
早早去托兒所接bb,
由於個個時間係bb訓醒食下午茶既時間,
結果係托兒所出面等左bb十分鐘,
等佢食完下午茶,著番鞋仔出黎,
佢一見到我係門口接佢,
俾個燦爛既笑容俾我,
仲有一個熱情既擁抱,
果然bb真係鍾意媽媽接放學既,
之後同老公,仔仔去左行大陸地下商場,
仔仔一行到遊戲廳,
一支箭咁跑入去,
老公之後帶佢去過一次,
竟然咁認得路,
講真,咁細個認得路,
肯定係遺傳左老公既,而唔係我,
因為我係完全無方向感既人,
其實之前都有意識仔仔認路好叻,
點解咁講,
因為每日坐車快到屋企個個站,
佢都會即刻企起身話要落車車,
唔止一次兩次中,
係成日都係咁,
阿仔,有前途~~
講番琴日,
同仔仔入左遊戲廳玩,
大家估下我地玩乜,
係我老公帶住佢玩碰碰車,
玩左唔止一次,
bb識自己控制個方向盤,
呢d又係老公功勞,
係佢教個仔,
係旁邊睇住佢地玩得咁開心,
我都笑到傻左,
之後一家三口去左食"牛鍋王"
五點前埋單任食先至三十八蚊,抵
湯底唔駛錢,任飲五花茶
咁既價錢真係算唔錯
跟住行左一陣商場,
等bb唔注意個陣自己閃左,
因為要趕返公司開會,
好彩開會準時走人1,
返到屋企車站,
見到仔仔無著褲,
同老公係車站等我,
咁鬼性感,俾人睇晒,唔抵
咁充實,又可以同仔仔老公過簡簡單單一天,
好開心~~

近日公司出現左一d人事變動，一個好同事調職去左另一個單位工作，雖然大家都係同一個大機構屬下，

但係一向合作開，又一齊讀書，走左個好既合作顆伴兼好朋友，難免有唔開心同失落，我地一齊讀中心

派去讀既一個課程，佢好鬼勤力，經常寫筆記，有時候我走堂，佢仲會返黎話番我知ｄ重點，幫左我好

大忙，希望佢係新既工作岡位，有好的發展，以前大家係同一個辦公室，有說有笑，佢同我地ｄ青年義

工仲好鬼岩，係三十一號個日，藉住往港交流團總結，叫左ｄ義工仔同佢say goodbye,仲有影下相

八月八號晚上八時八分,期待已待既北京奧運終於開幕啦!相信呢個係所有中國人都期待的一刻,雖然係開幕前個幾個月,日日過拱北返澳門都非常唔方便,因為檢 查越黎越嚴,都為左奧運會成功,小小麻煩又算得係乜,係睇開幕式個陣,深深被每一個環節所感動,睇下中國人既實力啦!年紀越大,接觸祖國既事物同人越黎越 多,就越黎越愛國,更為身為中國人而驕傲,你又係咪同我一樣啊?中國人~~